Í morgin, týsdagin 1. juni 2021 fara vit til Havnar at svimja.
Vit møta í skúlanum.
Vit fara til Havnar kl. 8:15
og sigla heim aftur kl. 12:30.
Minnist til:
Mánaðarkort (tey, ið gjalda)
Matpakka
Vatn-dunk
Svimjiklæði og handklæði
…og ílætin klæði, ið hóska veðrinum
JavS
Góðu foreldur/avvarandi
Nú næmingarnir eru farnir undir dýnu kunnu vit gleðast um enn ein hendingarríkan dag – ið byrjaði heldur tíðliga (onkur vaknaði longu áðrenn klokkan fimm).
B68 bjóðaði okkum, at venjararnir Lukasz og Kris skipaðu fótbóltsvenjingar klokkan ellivu til tólv, hetta eydnaðist stak væl. Vit sóðu eisini skiftirúmini hjá mansliðnum, kvinnunum og landsliðnum.
Vit hava prátað um frælsan ítrótt, lært nakað av landalæru og gingið varð eisini til Toftavatn, áðrenn matarseðilin bjóðaði “Tortilla og kips”.
Tá ið tey høvdu spælt ludo og borðtennis, skipaðu vit lesiløtu í hálvan tíma, skrivaðu logg-bók og fóru síðani at svimja.
Nú eru øll rein og troytt.
Góða nátt 🤗
Vit fingu góðar frásagnir í gamla prestagarðinum, og í kirkjuni á Nesi.
Sum vanligt er, teknaðu vit eisini eftir altartalvu – hesuferð í Fríðrikskirkjuni.
Næmingarnir hava spælt á spæliplássi, sparka á stadion-vøllinum, spælt krógva og blunda, teknað og gjørt pappírsflogfør.
Nú hava vit sungið, næmingarnir hava skrivað logg-bók og eru farnir at busta tenn.
Góða nátt 🤗
Vit eru komin inn á Svangaskarð í øllum góðum 🤗
Góðu næmingar og foreldur/avvarandi.
Havandi koronastøðuna í huga og tíðindunum fyri løtu síðani, halda vit fast í ætlanini at fara á seturskúla í morgin (1.-6.fl.).
Vit eru í okkara sosialu “bløðru” eins og í vanligari skúlagongd. Mest sannlíkt broyta vit innihaldið, at vit t.d. ikki vitja í skúlanum á Toftum og ivasamt er, um vit kunnu fara at svimja – lat tó næmingarnar taka svimjiklæði við.
Eins og áður verður heitt á øll um at verða varðug við sjúkutekin, halda frástøðu og sera týdningarmikið er, at vit hava reinførið í huga.
Jákup av Skarði
Eins og lýst í ársætlanini, verður farið á seturskúla beint eftir hvítusunnu.
Næmingarnir hava fingið ábendingar at gita hvagar vit fara og onkur hevur gitt, at vit fara inn á Toftir – at gista á Svangaskarði.
Tykkum kunnugt broytist ársætlanin onkuntíð.
Men tvey tiltøk eru fyri framman, har dagfestingar ikki eru broyttar:
SSS-Ítróttardagurin í ovurmorgin og
seturskúlin (1.-6.fl.) í komandi viku.
Allar dagfestingar eru í partinum “Ársætlan 2020/2021”
JavS
Týsdagin 18. mai 2021 fara vit,
øll í skúlanum,
aftur at svimja í Gundadali 🙂
Vit møta sum vant í skúlanum.
Síðani fylgjast vit út á Klivar
og fara til Havnar kl. 8:15.
Vit sigla heim aftur kl. 12:30.
Minnist til:
Mánaðarkort (tey, ið gjalda)
Matpakka
Vatn-dunk
Svimjiklæði og handklæði
…og ílætin klæði, ið hóska veðrinum
JavS
Góðu foreldur/avvarandi.
Eins og boðað í ársætlanini, er annar UMMR-frídagurin lagdur komandi fríggjadag. Tess vegna hava næmingarnir longu “vikuskiftið”.
Vit síggjast mánamorgunin kl. 7:45 🙂
Jákup av Skarði
Slóð til myndir og filmstubba frá tiltakinum 🙂
Í morgin, týsdagin 11. mai 2021, fara vit at vitja Skúlan á Fløtum.
Vit møta sum vant í Nólsoyar skúla og fylgjast síðani út á Klivar.
Vit fara til Havnar kl.8:15
og sigla heim aftur kl. 12:30.
Minnist til:
Mánaðarkort (tey, ið gjalda)
Matpakka
Vatn-dunk
…og ílætin klæði, ið hóska veðrinum
JavS