Øllum kunnugt, verður felags foreldrafundurin í Nólsoyar skúla:

Mikukvøldið 16. sept. kl. 19:00 til 20:30.

Foreldrafundurin er ætlaður øllum foreldrum at næmingum í Nólsoyar skúla – eisini forskúlanum.

e.s. Næmingar møta ikki á hesum fundi.

Vinarliga

Jákup av Skarði

Øll hava fingið fyrsta blaðið. Forskúlin, 1., 2. og 3. fl. fingu Píka7, meðan 4., 5. og 6. fl. fingu Strok.

Tó er vert at leggja til merkis, at yngru børnini kunnu fáa nógv burturúr at lesa Strok, eins og eldru børnini í Píka7.

Uttaná hesum fyrstu bløðunum er haldaraseðilin, ið vísur til heimasíðurnar www.strok.fo og www.pika7.fo

Minnist til systkina-avslátturin 🙂

Í heyst verður eitthvørt føðingardagstiltak, nú Nólsoyar skúli er hálvthundrað ár.

Vit kunnu gleðast um at tiltøk eru – og verða – gjørd, at skúlin verður “grønari”. Væl er bjálvað og arbeitt verður nú eisini við sólorkuskipan.

Vøllurin er býttur í tvey og næmingum dámar væl nýggja “fall-undirlagið”. Hin hálvan verður í næstum klár til kurvabóltsdyst o.a. á asfaltinum.

Hesir flottu hjálmar vórðu handaðir fyrsta flokki í morgun. So nú kann ferðast tryggari á súkklu 🙂 

 

 

 

 

 

 

 

 

 

Verða rennifjøl, rennihjól ella rulluskoytur nýttar í skúlatíð, skulu eisini knæverjur, albogaverjur og handverjur nýtast.

Góðu næmingar og foreldur

Mánadagin 31. august 2020, kl. 10, sleppa forskúlabørnini loksins í skúla – og foreldrini eru vælkomin við 🙂

Vit eru spent at taka ímóti og fara at fyrireika næmingarnar í yngra og eldra bólki at gera sítt til, at øll kenna seg væl í Nólsoyar skúla.

Uml. kl. 11 fara forskúlabørnini saman við Sari og Annu Marnu oman á Látrið.

Við ynskjum um spennandi og mennandi skúlaár.

Látrið og Nólsoyar skúli.

Góðu næmingar og foreldur

Nú Anja er til arbeiðis, meðan Jákup er í sóttarhaldið, verða skúlatíðirnar soleiðis í komandi viku:

Mánadagin eru 1.-2. fl. í skúla til kl. 10:45, og 3.-6. fl. til kl. 11:30
Týsdagin eru 1.-3. fl. í skúla til kl. 11:3o og 4.-6. fl. til kl. 12:30
Mikudagin eru 1.-3. fl. í skúla til kl. 11:3o og 4.-6. fl. til kl. 12:30
Hósdagin eru øll í skúla til kl. 11:30
Fríggjadagin eru 1.-3. fl. í skúla til kl. 10:45, og 3.-6. fl. til kl. 11:30

Allir næmingar møta kl 8:00 og hava matpakka við 🙂

Eins og fyri summarfrítíðina, verður arbeitt við “brotnu tímatalvuni” / “vikuskema”, har næmingarnir leggja sær arbeiðið til rættis.

Við korona-tilmælum í huga, verður staðiliga heitt á foreldur at práta við næmingarnar um reinførið og frástøðu. Harafturat eigur eingin at møta í skúlanum, ið kennir sær okkurt sjúkueyðkenni.

Við ynskjum um mennandi og spennandi skúladagar.

Lærararnir í Nólsoyar skúla.

Góðu næmingar og foreldur

Vónandi eru allar korona-testirnar negativar. Tað er tó av alstórum týdningi, at eingin møtir í skúla, um sjúkueyðkenni eru.

Fyri at fylgja korona-tilmælunum er alneyðugt, at næmingarnir hava reinførið í huga. Bæði at vaska sær væl um hendurnar og at hvør næmingur hevur síni egnu amboð (blýant, spískara, saks, viskileður, litblýantar, límstift o.s.fr.).

Heitt verður á foreldur og næmingar at práta um týdningin, at vit alla tíðina hugsa um reinføri og frástøðu.

Eru ivamál eru tit vælkomin at ringja til Jákup, á tlf. 217001.

Góðu foreldur og næmingar

Vegna korona-støðuna, er skúlabyrjanin í morgin broytt soleiðis:

Týsdagin 18. aug. 2020 

Yngri bólkur (1.-3. fl) er í skúla kl. 09:00 til 09:45  
– foreldur í 1. fl. eru vælkomin við. 

Anja Hartman Wardum er saman við yngra bólki til kl 11:30, tá ið hon fylgir næmingunum oman á Látrið.

Eldri bólkur (4. og 5. fl.) kl. 10:00 til 10:45.

Seinni í dag er bræv í postkassa tykkara.

Vinarliga

Jákup av Skarði, fyrstilærari