Skipanin við mánaðarkortunum er henda:

Tit fara á Farstøðina í Havn. Upplýst verður navn á næmingi og føðingardagur. Goldnar verða kr. 500,-. Av hesum peningi fáa tit kr 450,- aftur frá Tórshavnar kommunu, um tit bera teimum (Mentamáladeildini – Katrin Ellingsgaard) kvittanina. Kr. 50,- eru fyri plastkortið, ið Tórshavnar kommuna ikki afturrindar.

Við hesum gjaldið, hava tit goldið fyri tveir mánaðir. Fyrstu ferð tit aktivera kortið – umborð á Ternuni – fer teljarin í gongd og tit síggja hvussu nógvir dagar eru eftir á kortinum fyrra mánaðin. Leggið til merkis, at kortið telir bert fyri ein mánaða í senn, tó at tit hava goldið fyri tveir mánaðir.

Tá ið fyrri mánaðurin “er uppi”, byrjar kortið at telja aftur, tá ið kortið aftur verður nýtt. T.v.s., at um fyrri mánaðurin endar upp undir frídagar, er ikki neyðugt at aktivera seinna mánaðin fyrr enn tit aftur fara at ferðast.

Eru spurningar, kunnu tit ringja til fyrstalæraran, ella venda tykkum til annaðhvørt Strandferðsluna ella Mentamáladeildina í Tórshavnar kommunu.

Hesar vikur undan jólaguðstænastuni venja vit afturvendandi sálmarnar/sangirnar:
Føgur er foldin
Nú birtast túsund jólaljós
Eitt fjós og ein krubba
Gleðilig jól
…og vit halda fast í traditiónini í Nólsoy, eisini at syngja “Julen har bragt velsignet bud”.

Góðu næmingar og foreldur!
Við hesum verður heitt á tykkum at eftirkanna, at samsvar er millum tað tit gjalda og dagatalið SSL setir á kortið.
Orsøkin er, at eg havi fingið fráboðan, at okkurt kort vísir “30 dagar”, tó at goldið er fyri tveir mánaðir.

Næmingarnir fingu fríggjadagin bræv um skipanina við mánaðarkortum. Í stuttum kann sigast, at tit skulu inn á Farstøðina at rinda fyri tveir mánaðir – fyri síðani at fáa pengarnar aftur frá kommununi.

Mánaðarkortini “gingu út” í gjár, talan er tí um at gjalda fyri desember í ár og fyri januar 2015.

134
Rita navn títt mær í hjarta,
Jesus, kongur mín og Guð,
at ei sól, ei myrkur svarta
megna teg at máa út!
Hetta innsigl’ á meg set:
Jesus mín úr Nasaret,
hann, ið krossin mátti bera,
mær til sálargagn skal vera.
 
Kingo 1689. Gunnar Dahl-Olsen.
Lag: sum Sl. 183 b.
43
Tín miskunn, o Guð, er sum himinin há,
tín trúfesti røkkur til skýggja,
tín dýrd er um allan heimin at sjá,
tín kærleikssól lýsir til bíggja.
 
2. Sum fastbygda fjallið er rættvísi tín,
sum havdýpið ráð títt og dómar,
tú bønirnar hoyrir, ið leita til tín,
tín hátign og dýrd um oss ljómar.
 
3. So víða sum menniskjan byggir sær ból,
tín náði og miskunn man vaka,
tín vernd er trygg eins og veingjanna skjól,
hjá tær okkum einki kann saka.
 
4. Tú sálirnar frelsir, tú fagnar hvørt kind,
hvørt kykt, her á fold dregur anda;
hjá tær er lívsins hin æviga lind,
sum ljósborgir glitrandi randa.
 
Sálmur 36,6-10.
Ingemann 1845. J. Dahl 1911.
Lag: Sl. 335.
 
53
1. Ongum er so trygt at fara
sum Guðs lítla barnaskara,
fugli ei í leyvi fjøldum,
stjørnu ei í himnatjøldum.
 
2. Harrin er á Sions fjøllum
vernd og skjøldur fólki øllum,
vil teim miskunnsamur vera
og á faðirørmum bera.
 
3. Eingin eydna, eingin vandi
slíta av skal barnabandið.
Hann sum vinur ber av øðrum,
veit um alt í øllum førum.
 
4. Hann øll hár á høvdi telur,
hann hvørt tár úr eyga fjelur,
okkum føðir, okkum klæðir,
gleðir, um so sorgin bagir.
 
5. Hvat hann tekur, hvat hann gevur,
faðirs hjartalag hann hevur,
og hans vilji er hin sami:
barnsins sanna gagn og frami.
 
6. Væl tær veri, lítla skara,
Jákups Guð teg væl skal varða;
honum, sum fekk megi alla,
fíggindar til jarðar falla.
 
7. Og tá her er farin dagur,
neyð er lokin, tagna klagur,
børn øll síni rødd hans kallar
heim til gleði ævir allar.
 
Lina Sandell 1856. J. Dahl 1937.
Lag: Sl. 268.

Verið varin! Nýggju loftspláturnar liggja í “fitness-økinum” og tær tola lítið av. Tí verður heitt á øll, at lata loftsplaturnar fáa frið. Vónandi er bert talan um nakrar fáar dagar.