Hesa vikuna er útlendski sangurin “Going on a lion hunt”.
Niðanfyri eru tríggjar ymsar slóðir.

1) Hendan slóðar tykkum til eina frálíka “framløgu”: Trýst

2) Ein onnur versión sæst við at trýsta á play:

3) …og hesa slóðina hava vit nýtt í gjár og í dag: Trýst

Góður næmingar og foreldur/avvarandi

Fríggjadagin 7. okt. skipa Látrið og skúlin fyri rennidegnum 2016.

Vit møta sum vant í skúlanum og byrja við grundtímum. Eftir morgunløtuna fáa næmingarnir stundir at seta seg við matpakkum og vatni, áðrenn vit fylgjast út á Veg – har vit hita upp kl. 10.

Runnið verður sum vant niðri í bygdini og út á Klivar – har rennileiðin er 1 km runt.

Eftir renningina fara vit á Látrið at drekka kakao og eta bollar – og so er heystfrí.

Fyrstu vikuna eftir heystfrítíðina vitjar “kreativa breytin” á námsvísindadeildini á Setrinum. Hetta verður fyrra evnisvikan um myndaarbeiði á brimgarðinum í Nólsoy.

Bestu ynski um góðar skúladagar og góða heystfrítíð.

Góðu næmingar og foreldur/avvarandi!

Sum kunnað varð um á foreldrafundinum – og í vikuseðlunum, fara vit at renna í Kaldbak í morgin.

Vit fara til Havnar kl. 7:20 og koma aftur kl. 12:30.

 

Góðu næmingar (og foreldur/avvarandi)!

Á hesi slóð er møguleiki at venja guitar, ukulele og klaver til sangin “Hvis du ser en krokodille i dit badekar”.

Trýst her

Í viku 39 syngja vit:
Mána og sól (Sálmabóka-uppískoytið)
Eg vil telja strjørnurnar
Hvis du ser en krokodille i dit badekar

Góðu foreldur

Vit vilja fegin bjóða tykkum til felags foreldrafund. Fundurin verður hildin saman við foreldrum í Eysturskúlanum og Sankta Frans skúla.

Danski sálafrøðingurin Jens Andersen fer at halda fyrilestur fyri okkum um tann týdning, ið foreldur hava á barnisins menning, felagskap, trivnað og læring í skúlanum.

Fyrilesturin er serstakliga um, at vit sum foreldur eru fyrimyndir hjá okkara børnum og um ta ábyrgd, sum foreldraleikluturin hevur við sær, t.d. um samstarv, menning av felagsskapum og um at seta børnum krøv.

Jens Andersen er ein væl dámdur og undirhaldandi fyrilestrarhaldari, sum nýtir skemt og ítøkilig dømi úr gerandisdegnum at lýsa barnauppaling og familjulív.

Dato: Mánakvøldið 19. september 2016
Kl.: 19 – 20.30
Stað: Eysturskúlin

Vinarliga
Nólsoyar skúli

Góðu næmingar, foreldur/avvarandi og onnur í Nólsoy!

Minnist til freistina at melda til kvøldskúlatilboðini, bæði í Nólsoy og í Havn – og bæði børn, vaksin og eldri.

Seinasta freist er sunnudagin 04. september 2016 kl. 24:00.

Meldað til á www.kvoldskulin.fo