Eitt sindur um skúlan…

Skúlin í Nólsoy varð bygdur í 1970. Seinastu árini er bygt uppí og dentur verður nú lagdur á at bjálva og skifta klædning.

Her eru – afturat lærarastovu og skrivstovu – 2 vanligar skúlastovur og ein serstova, smíðstova, køkur, tónleikarúm og bókasavn. Fimleikahøll er eisini og skúlagarðurin er í stødd til hondbóltsvøll.

Viðurskiftini eru góð við atliti at rørslutarnaðum. Hurðarnar omanfyri eru el-stýrdar og á wc’inum til rørslutarnað, er eisini brúsa. Fer ein koyristólur inn omanfyri, er eingin gátt, ið forðar brúkara at sleppa til ymsu rúmini í skúlanum. Tíanverri er atkomumøguleikin til smíðstovuna tó ikki gjørd við atliti at koyristóli.

Skúlaárið 2015 / 2016 ganga 14 næmingar í Nólsoyar skúla í 1. til 7. árgangi. Árgangirnar eru býttir í 2 bólkar, yngri bólkur (1.-3. fl.) og eldri bólkur (4. – 7. fl.). Lærararnir eru 5 – harav 3 eru í fullum starvi og tveir eru við fáum tímum.