Forskúli í Nólsoy

Ætlanin við forskúlanum í Nólsoy er, at børnini fáa eina bleyta gongd, úr dagstovni i skúla. Vit hava undanfarin ár skipað skúladagar, har “skúlabólkurin” er boðin nakrar dagar og eina viku í skúlaárinum, at læra seg at kenna umhvørvið og avbjóðingarnar. Nú ynskja vit at hetta verður tilboð hvønn fyrrapart í skúlaárinum.

Forskúlatilboð í Nólsoyar skúla:

07:45 Allir næmingar eru vælkomnir at nýta felagshøli í skúlanum
08:00 Forskúlabørnini byrja morgunprát saman við yngra bólki (1.-3. fl.)
08:20 Forskúlabørnini kunnu fara í serstovuna ella annað hóskandi undirvísingarstað.
09:20 Morgunsangur
09:30 Matarsteðgur
09:45 Fríkorter
10:00 Forskúlabørnini fara oman á Látrið

Serstovan sum “støð”
At barnið kennir seg trygt, er ein fortreyt fyri at læra seg okkurt nýtt. Tí seta vit serstovuna at verða teirra støð, umframt at tey hava hvør sítt skápinum á ganginum.

Onnur tiltøk og frávik/broytingar
Sum grundskipan, verður hugsað, at barnið kann møta kl. 07:45. Men í hvussu er byrjar dagurin saman við yngra bólki kl. 8:00. Vanliga enda dagarnir kl. 10:00, men frávik kunnu verða, um t.d. farið verður til Havnar at svimja, ella onnur tiltøk verða skipað.

Høvuðsevnini í ársætlanini
Í eini “læri- og spælitilgongd”, ynskja vit at arbeiða við hesum evnum:

  • Kroppur, motorikkur, ítróttur og kostur.
  • Tónleikur, handverk og list.
  • Málmenning – ljóð, stavir/stavilsi, sangur.
  • Støddfrøði og náttúruvísind.
  • Kvæði, skjaldur og dansur.
  • Sálmur og kristni.
  • Árstíðirnar.

Fyri Nólsoyar skúla
Jákup av Skarði, fyrstilærari

Comments are closed.

Post Navigation