Velbastaðar skúli og skúlin í Kaldbak møta í Nólsoy í dag til árliga ítróttardagin:
07:45 Úr Havn
08:30 Morgunløta í Nólsoyar skúla
09:00 Fyrra bólka-rundan
10:00 Steðgur, matpakki og fríløta
10:45 Seinna bólka-rundan
11:45 “Allir mínir høsnarungar”
12:15 Rudda av, fríløta og takk fyri í dag
13:00 Til Havnar
Næmingarnir verða í seks aldursbólkum.
Lærarar Nólsoyar skúla
Í sambandi við at Ulla Bille, hevur málað andlitsmynd av Jens-Kjeld Jensen, verður boðið til alment tiltak:
Í Nólsoyar bókasavni
týsdagin 30. mai 2023
kl. 17:00
Á tiltakinum verður eisini høvið at blaða í bókaútgávum og síggja útstappaðu fuglarnar, ið Jens-Kjeld hegnisliga hevur latið úr hondum.
Kaffi/te – og okkurt verður eisini afturvið drekkamunni.
Nólsoyar bókasavn og Nólsoyar skúli
Bára og Jákup
Seinast vit nutu løtuna á Skansanum, fingu næmingar uppgávu, at finna loftmynd. Niðanfyri er ein, tikin av www.kortal.fo
Góðu næmingar og foreldur/avvarandi.
Vísandi til ársætlanina, verður ynskt tykkum gott og langt vikuskifti. Vit síggjast týsdagin.
Jákup av Skarði
Fyrstilærari Nólsoyar skúla
Góðu næmingar og foreldur.
Eins og broytt er í ársætlanini, verður ikki svomið í mai og juni 2023.
Orsøkin er kunngerðin, ið sett varð í gildið 20. mars 2023
“2.2. Tá skúlin hevur svimjing ella tiltøk saman við næmingum í svimjihøllini, hava allir lærarar ábyrgdina av trygdini hjá næmingunum. Tó skal tað altíð verða í minsta lagi ein lívbjargari við fullgildum prógvi frá góðkendum skeiðsveitara til staðar í svimjihøllini. Hetta kann vera svimjilærarin ella ein av svimjilærarunum. Lívbjarganarprógvið skal sambært galdandi reglum endurnýggjast árliga.“
Í samskiftið við UVS er mær víst á, at lívbjargarar, ið starvast í svimjihøllini í Gundadali, telja ikki við. Nú verður bíðað eftir, at UVS skipar, at lærarar árliga fáa lívbjarganarprógv.
Jákup av Skarði
Fyrstilærari Nólsoyar skúla
Seinni útferðardagurin, mikudagin 10. mai, er til Suðuroyar. Kunningarstovan í Vági setir okkum saman spennandi skrá.
Til hesa útferð skulu næmingarnir taka við sær góðan matpakka + vatndunk, hóskandi klæði og mánaðarkort.
08:00 møta í skúlanum og fylgjast út á Klivar
08:15 til Havnar
08:45 til Suðuroyar
… vit leiga buss og tey skipa okkum dagin …
18:45 til Havnar
22:00 til Nólsoyar
Lærararnir
Fyrri útferðardagurin er í morgin, týsdagin 9. mai 2023.
Vit njóta dagin í Havn og skulu næmingarnir bert minnast til: Vatndunk, mánaðarkort og hóskandi klæði til eisini at ganga onkran túr.
08:00 møta í skúlanum og fylgjast út á Klivar
08:15 til Havnar
09:00 umhvørvisveiða á Margarinfabrikkini
10:00 umhvørvistiltak á Býarbókasavninum
11:30 buffét á Pizza 67
15:00 Skógrøkt landsins
16:00 “frukt-steðgur”
18:00 Robin Hood
20:30 ís-borð á Angus
22:00 til Nólsoyar
Er onkur, ið ynskir at koma við til Robin Hood, fáast atgongurmerki til keyps á www.atgongumerki.fo, 150,-kr/stk.
Lærararnir
Í dag, mánadagin 8. mai, verður sátt í íløtini, ið heitt varð á næmingar at taka við heimanífrá. Hetta arbeiðið er eftir fyrra fríkorter.
Í morgin, týsdagin 9. mai, er “Havnatúrur á skránni”: Vit møta í skúlanum sum vant og fylgjast út á Klivar til túrin kl. 08:15. Umhvørvisveiða, Barnabókasavnið, Pizza 67, Skógrøkt landsins og Robin Hood, og Angus eru á skránni. Vit koma út aftur kl. 22. (Es. um onkur hevur hug at koma við til sjónleik, er sýningin kl. 18 og kostnaðurin er 150,-kr á www.atgongumerki.fo).
Mikudagin er útferð ætlað, ein kunningarstova leggur okkum hetta til rættis og verður lýst á heimasíðu skúlans, beint sum alt er greitt.
JavS
Góðu næmingar og foreldur
Í komandi viku fara vit at sáa og somuleiðis at planta.
Til hetta arbeiðið er ynskiligt, at næmingarnir – mánadagin 8. mai – taka við í skúla okkurt vatntætt ílæt (reinan mjólkapakka, tóma stóra plastfløsku, urtapott ella annað).
Lærararnir