Eftir frálíku evnisdagarnar um “Fiskar”, verður nú gingið eftir tímatalvuni, ið tit síggja á undirsíðuni “Tímatalvur 2021_2022”.
Lesiátak er bæði í yngra og eldra bólki og hava øll “lesiheftið”, soleiðis at næmingarnir lesa heima einar 20 minuttir hvønn dag.
Vh, JavS
Vikan endaði við frálíkum framlögum og síðani settu vit okkum til borðs at eta fiskarætt frá Maud.
Til morgunlötuna vitjaði 2. fl. úr skúlanum á Flötum.
Nakrar myndir frá frálíku vitjanini á Sjósavninum eru á hesi slóð.
Í arbeiðsheftinum, ið næmingarnir hava fingið at arbeiða við í skúlanum (hesa vikuna), er eisini at læra seg at kvøða “Fiskurin bítur”.
Um tit eru í fb-bólkinum “Nólsoyar Dansifelag”, kunnu tit fylgja hesi slóð.
Fiskurin bítur,
nú roynast raskar hendur,
royni seg nú tann, ið eigur nakran mátt;
stokkut er stundin, til sjóvarfallið vendir,
eydnan á útróðri skiftir ofta brátt.
Nýt hesa stund;
egn teg við skund,
lat so renna niður, til loddið er á grund.
Kvikhentur maður, meðan snørið man renna,
sløgir og foragn og beitur sær sker,
ræsir og heintar – og toskur er at kenna,
breðgur væl við, so hann ongulfastur er.
Liðmjúkan arm,
sveittan í barm;
grenjar í tolli, men ongan annan larm.
Fýra eru á. O, vælsignað fløkja!
Loddið við borðið! So lyfta vit teir inn.
Stendur illa í? So mást tú teir krøkja;
høgg teimum kleppin í nakka ella kinn.
Syft teir inn um stokk,
gev teimum á knokk.
Slagbeit og greið so, tí kurlað er tað nokk.
Blankur sum messing og feitur og rundur,
nýkomin fiskur av fagrasta slag;
royna vit mugu at halga hann uppundir,
fæst hann at elta, so draga vit í dag
mangan góðan drátt,
fylla bátin brátt,
damla so heim eftir innskotum í nátt.
Mikkjal Dánjalson á Ryggi (1879-1956)
(Songbók Føroya Fólks, nr. 144)
JavS
Í dag gingu vit framvið seiðabergsplássum í Nólsoy.
Í samband við evnið, eru nakrar áhugaverdar slóðir:
Snar hevur yvirlit við fiskasløgum
Havstovan er eisini eitt gott mið
Allur fiskalistin hjá Havstovuni
Heitini á (og í) fiski eru á hesi slóð
Tá ið hugur er at leita áfram, er Sprotin eisini góður (t.d. um grindahval)
Góðan arbeiðshug 🙂
JavS
Sum vit prátaðu um í dag, er “Fiskar” heitið á evninum í innskúlingarvikunum.
Hósdagin 19. aug. 2021
Allir næmingar møta kl. 8 og fáa frí kl. 11:30
Fríggjadagin 20. aug.
Allir næmingar møta kl. 8 og fáa frí kl. 11:30
Mánadagin 23. aug.:
Um viðrar fara vit oman í fjøruna og á seiðabergspláss.
Yngri bólkur kl. 8:00 – 11:30
Eldri bólkur kl. 8:00 – 12:30
Týsdagin 24. aug.:
Yngri bólkur kl. 8:00 – 11:30
Eldri bólkur kl. 8:00 – 12:30
Mikudagin 25. aug.:
Yngri bólkur 8:00 – 11:30
4.-6. fl. 10:00 – 12:30
7. fl. í Eysturskúlanum
Hósdagin 26. aug.:
Til Havnar kl. 8:15 og heim aftur kl. 12:30
Vit fara á Sjósavnið (kl. 10:00 – 11:00)
Minnist til hóskandi klæði, matpakka/vatndunk og mánaðarkort
Fríggjadagin 27. aug.:
Øll eru í skúla kl. 8-11:30
Maud ger næmingunum ein fiskarætt at eta kl. 11.
Undirvísingarstýrið er í dag komið við hesi fráboðan:
Nú skúlarnir byrja aftur, er umrøtt, hvat rættast er at gera í sambandi við børn, ið hava verið uttanlands.
Vit hava verið í sambandi við korona ráðgevingina og er tilmælið, at børn, ið koma beinleiðis úr útlandinum, tá skúlin byrjar, skulu verða heima fyrstu 4 dagarnar og á 4. degi lata seg kanna fyri korona.
Sum boðað varð, tá ið vit fóru í summarfrí, er innskrivingin í 1. fl. í dag kl. 17:30.
Í morgin møta allir næmingar kl. 10 til 11.
Bestu ynski um gott skúlaár 2021/2022.
Jákup av Skarði