Tilmeldingin til skúlaárið 2019/20 letur upp mánadagin 26. august kl. 18.00 og endar sunnudagin 1. september 2019.
Verið vælkomin niðan í Nólsoyar skúla, í kvøld kl. 18:00 til 21:00, um tykkum tørvar hjálp at melda til.
Heimasíðuslóð til Tórshavnar kvøld-, ungdóms- og listaskúla, er her.
Góðu næmingar og foreldur/avvarandi
Hesa vikuna hava vit í Nólsoyar skúla og á Látrinum verið í sera spennandi filmsarbeiði, undir leiðslu av Nicolaj Falck og Rógva Rasmussen. Tit fara at frætta nær hesin parturin er kliptur og samansettur – og klárur at vísa fram. Tykkum kunnugt, er filmsarbeiðið afturvendandi til 1. mars 2020.
Komandi mánadag, 26. aug. 2019, fara vit undir fyrstu vikuna við tímatalvu. Skúlatíðini hjá øllum næmingum (forskúli, yngri bólkur og eldri bólkur) byrjar kl. 8:00 og tí eru tey vælkomin í skúlan frá kl. 7:45. Minnist til góðan matpakka og at tey fáa vatn afturvið í skúlanum.
Forskúlin fylgist við Annu Marnu oman á Látrið og eru har frá kl. 10.
Yngri bólkur (1.-3. fl.) endar kl. 11:30 og fara tey tá oman í frítíðarskúlan.
Eldri bólkur (4.-7. fl.) er í skúla til kl. 12:30, mánadagin, og tí er eisini gott at hava onkra frukt ella líknandi við, at taka við út í seinna fríkorterið.
Við skúlakvøðu
Jákup av Skarði
Nú skúlaárið 2019/2020 byrjar, finna Látrið og Nólsoyar skúli saman um filmsverkætlanina, Nólsoy – sæð við barnsins eyga, ætlanin at tað skulu gerast 4-5 stuttfilmar, ið lýsa okkara bygd og oyggj.
Hetta hevur við sær, at fyrsta skúlavikan verður øðrvísi enn vanliga tímatalvan og síðani er filmsverkætlanin gjøgnumgangdi partur frá august 2019 til mars 2020.
Rógvi Rasmussen og Nicolaj Falck koma at undirvísa og leggja okkum lag á. Størsti parturin verður hesa vikuna og síðani verður leypandi vegleiðing, til filmurin er liðugur – 01. mars 2020 😊
20.-23. aug. 2019: Barnagarðsbørn, forskúlanæmingar og næmingar møta kl. 8:00 í Nólsoyar skúla. Kl. 12 fara vit øll oman á Látrið at eta og skúladagurin endar kl. 12:30. Minnist til góðan matpakka, ið etin verður umleið kl. 10. Tey fáa vatn afturvið matpakkanum. Stórur partur av arbeiðinum er uttandura. Tí er sjálvsagt neyðugt, at børn/næmingar hava hóskandi klæði – eisini um tað regnar.
Góðu næmingar 🙂
Mánadagin 19. august 2019 byrjar nýggja skúlaárið.
Allir næmingar møta í skúlanum kl. 10:00.
Við ynskjum um læruríkt 2019/2020 🙂
Bára, Anna Marna og Jákup
Við hesum verður ynskt Vilmu Poulsen til lukku við starvinum sum vaskifólk í Nólsoyar skúla.
Samstundis takkar Nólsoyar skúli Janu Holm fyri drúgva tænastu. Bestu ynski frameftir.
Skúlans vegna.
Jákup av Skarði, fyrstilærari.
Starv sum reingerðarfólk í Nólsoyar skúla
Søkt verður eftir reingerðarfólki at vaska í Nólsoyar skúla at byrja 1. august 2019.
Starvið umfatar dagliga reingerð í skúlanum, umframt høvuðsreingerð eina ferð um árið – beint fyri skúlaársbyrjan.
Sóknast verður eftir reingerðarfólki, sum er nærlagt í sínum arbeiði, fyrikomandi og opið fyri at laga seg til at broytingar kunnu koma fyri í uppgávuni. Tað er ein fyrimunur, um umsøkjarin hevur royndir av líknandi slag.
Setanarviðurskifti
Starvið er tímalønt, 4 tímar um dagin í skúlaárinum (t.e. 198 dagar). Harafturat er høvuðsreingerðing beint fyri skúlaársbyrjan.
Starvið verður sett 1. august 2019 og verður fyrsta árið roknað sum royndarár.
Løn og setanartreytir sambært sáttmála við Havnar Arbeiðskvinnufelag og Føroya Arbeiðsgevarafelag.
Fleiri upplýsingar
Meira fast at vita um starvið við at venda sær til fyrstalæraran, Jákup av Skarði, á telefon nr. 217001.
Umsókn
Umsókn saman við CV og viðmælum frá royndum skal vera fyrstalæraranum, Jákupi av Skarði, í Stong 1, 270 Nólsoy, í hendi í seinasta lagi týsdagin 30. juli 2019, kl. 12.
Umsóknirnar kunnu sendast við t-posti til jakupavs@skulin.fo
Nólsoyar skúli – www.nolsoyarskuli.fo
Góðu næmingar og foreldur, nú nærkast summarfrítíðin.
Seinastu dagarnir verða skipaðir soleiðis:
Mikudagin 19. juni. Kl. 8:20, fara vit til Havnar at svimja. Vit møta sum vant í skúlanum. Minnist til matpakka, vatndunk, mánaðarkort – og sjálvsagt svimjiklæðini.
Hósdagin 20. juni er vanlig skúlagongd og yngri bólkur letir søgubók inn.
Fríggjadagin 21. juni er vanlig skúlagongd.
Mánadagin 24. juni er vanlig skúlagongd. Minnist til at taka allar ”taskubøkur” skúlans við – einnýtisbøkurnar eiga tit. Vit rudda eisini stovur og taka við heim.
Týsdagin 25. juni er vanlig skúlagongd – og vit rudda áfram. Neyðugt er at hava skúlatasku við, at bera ting heim.
Mikudagin 26. juni. Kl. 8:20, fara vit til Havnar at svimja. Vit møta sum vant í skúlanum. Minnist til matpakka, vatndunk, mánaðarkort – og sjálvsagt svimjiklæðini.
Hósdagin 27. juni er seinasti skúladagur. Vit møta kl. 09:30 og fáa frí kl. 11:30.
Við tøkk fyri í ár og bestu ynski um góða summarfrítíð.
Skúlaárið 2019/2020 byrjar mándagin 19. august.
Lærararnir í Nólsoyar skúla
Summarguðstænasta: Nýggj dagfesting! Fríggjadagin 07. juni.
Í morgin, mikudagin 22. mai, verður almenn konsert í Nólsoyar skúla.
Orkestur 1, úr Tórshavnar Musikkskúla, vitjar í Nólsoyar skúla og í hesum sambandi er almenn konsert í fimleikahøllini, kl. 10:30.
Konsertin er ókeypis.
Góðu næmingar og foreldur
Í morgin, mánadagin 20. mai, møta næmingarnir sum vant, men fylgjast síðani við Báru út á Klivar. Vit fara til Barnasangfagnaðin í Norðurlandahúsinum. Tiltakið er kl. 9-15 og koma næmingarnir tískil út aftur kl. 16:20. Minnist til matpakka, vatndunk og mánaðarkort.
Týsdagin er vanlig skúlagongd.
Mikudagin 22. mai, vitjar “Orkestur 1” úr Tórshavnar Musikkskúla. Kl. 10:30 er almenn konsert, í skúlanum. Kl. 13:00 fara vit á seturskúla (næmingarnir fáa brævið við í morgin).
Hósdagin eru vit á seturskúla.
Fríggjadagin koma næmingarnir út við Ternuni kl. 12:30.
Vinarliga
Jákup