Sum lýst í ársætlanini, verður felags foreldrafundur: 17. sept. kl. 19:30 (til 21:00).
Ætlandi luttaka bæði førleikastovan og nýggi heilsurøktarfrøðingurin.
Næmingarnir hava fingið kunnandi bræv.
Vinarliga
Jákup av Skarði
Aftur í ár er møguleiki at melda til í skúlanum.
Mánakvøldið 27. august. 2018, kl. 18 til 21.
Minnist til teldupostadressu, p-tal og gjaldskort.
Góðu næmingar og foreldur
“Flestu húski við børnum kenna til barnaorm. Barnaormur kemur fyri allastaðni í heimi og hjá øllum fólki á øllum aldri, tó er hann vanligastur hjá børnum og ungum.”
Slóð til frágreiðing um barnaorm er her
Brot úr tekstinum:
“Barnaormur verður viðgjørdur við mebendazol (Vermox®) ella pyrvin (Vanqiun®). Alt húskið skal viðgerast samstundis.
Mebendazol: Mebendazol fæst ávikavíst sum tablettir og flótandi á apotekinum eftir forskrift. Heilivágurin skal gevast tríggjar ferðir við á leið 2 vika millumbili. Vanliga er ein viðgerð nóg mikið. Mebendazol virkar á tann hátt, at ormurin upptekur ikki so lætt sukur, og tá doyggja bæði tann vaksni ormunin og ormveran. Eggini kunnu yvirliva. Tá ið ormarnir eru deyðir, hvørva teir við skarninum.”
10 skúlabørn eru nú í Nólsoyar skúla 🤗
Við ynskjum um gott
og læruríkt 2018/2019
Lærararnir og fyrstilærarin
Góðu næmingar 🙂
Hósdagin 16. august 2018 byrjar nýggja skúlaárið.
Allir næmingar møta í skúlanum kl. 10:00.
Við ynskjum um læruríkt 2018/2019 🙂
Bára, Anna Marna og Jákup
Eftir væleydnaðan seturskúla leita vit nú aftur til Nólsoyar.
Vit eru í Runavík í øllum góðum.
Vitjaðu í Kelduni, gingu “runt Toftavatn”, ótu pizza/burgarar, skrivaðu loggbók og hoyrdu søgu áðrenn vit sovnaðu 🙂
Góðu foreldur/avvarandi.
Í partinum “Ársætlan 2017/2018” eru tær dagfestingar settar inn, ið næmingarnir fingu við sær heim í dag.
Vinarliga
Jákup av Skarði, fyrstilærari
Góðu nólsoyingar
Mikukvøldið 11. apríl, kl. 19, bjóða vit tykkum niðan í Nólsoyar skúla til alment tiltak við yvirskriftini: Málmenning
Fyrilestrarhaldarin, Gitte Klein, skrivar soleiðis:
Námsfrøðingar og lærarar hava seinastu tíðina rópað varskó, tí alt fleiri børn og ung duga verri føroyska málið. Í barnagarði eygleiða námsfrøðingar, at børnini spæla á enskum og donskum og duga betri ensk orð og hugtøk enn føroysk. Tey kenna betri purple og yellow enn lilla og gult. Lærarar siga seg ikki longur kunnu geva børnum skúlating fyri, tí tey skilja ikki føroysku orðini. Kanningar vísa, at børn sum hava eitt fátækt mál hava verri sálvsmynd enn onnur.
Í fyrilestrinum verður komið inn á, hvussu børn læra og hvussu vit kunnu skapa umstøður fyri eini góðari málmenning.
Gitte Klein rekur ráðgevingarfyritøkuna grit.fo. Hon hevur í februar útgivið bókina Mennandi sálarfrøði- sálarheilsa og trivnaður í verki. Hennara serøki eru: trivnaður, sálarheilsa, motivatión og mental venjing hjá ítróttarfólki. Hon arbeiðir bæði við børnum og vaksnum. Gitte Klein hevur eina Master í Positivari sálarfrøði og um at taka eina kandidat í sálarfrøði. Harumframt er hon útbúgvin lærari.
Við vón um fjølmenta uppmøting 😊
Lærararnir
Góðu næmingar og foreldur/avvarandi.
Skúlagongdin byrjar aftur týsdagin 3. apríl.
Gleðiligar páskir.
Jákup av Skarði
Fyrstilærari