Tú alfagra land mítt

1. Tú alfagra land mítt, mín dýrasta ogn!
á vetri so randhvítt, á sumri við logn,
tú tekur meg at tær so tætt í tín favn.
Tit oyggjar so mætar, Guð signi tað navn, s
um menn tykkum góvu, tá teir tykkum sóu.
Ja, Guð signi Føroyar, mítt land!

2. Hin roðin, sum skínur á sumri í líð,
hin ódnin, sum týnir mangt lív vetrartíð,
og myrkrið, sum fjalir mær bjartasta mál,
og ljósið, sum spælir mær sigur í sál:
alt streingir, ið tóna, sum vága og vóna,
at eg verji Føroyar, mítt land.

3. Eg nígi tí niður í bøn til tín, Guð:
Hin heilagi friður mær falli í lut!
Lat sál mína tváa sær í tíni dýrd!
So torir hon vága – av Gudi væl skírd –
at bera tað merkið, sum eyðkennir verkið,
ið varðveitir Føroyar, mítt land!

Minnist til!

Í morgin, 30. nov., er seinasta freist at lata pakkan til jólakalendaran inn:

  • Í mesta lagi keypt fyri 30kr
  • Hóskandi gentu og drong
  • Ikki etandi
  • Ein vildi sjálv/-ur verið fegin um gávuna

JavS

Góðu næmingar og foreldur.

Í sambandi við Skúlaleikir, hava vit júst lagt til rættis, at næmingarnir í 2. til 7. flokki sleppa til badminton-venjing á Stórheyggi (í Havn) komandi fríggjadag, 25. nov. 2022.

Sum vant, tá ið vit fara til Havnar:
– vit møta í skúlanum
– vit fylgjast út á Klivar
– vit fara til Havnar kl. 8:15
– vit koma aftur til Nólsoyar kl. 12:30

Minnist til:
– matpakka og vatndunk
– verið ílætin eftir veðrinum
– verið ílætin til at íðka ítrótt, inni
– mánaðarkort

…og foreldur mugu siga flokslærara frá, um næmingur ikki skal út aftur kl. 12:30.

Meira um Skúlaleikir og badminton er á hesi slóð: Badminton

Vinarliga
Jákup av Skarði